08 Қараша 2024

«Жақұтым - жырым» поэзия кеші

Бүгін кітапханамызда жерлес ақын қызымыз Сүлейменова Жұлдыз Талғатқызының «Жүректегі көктем» атты тұңғыш жыр жинағының тұсауы кесілді. Шара барысында ақынның өмірі мен шығармашылығы жайлы толығырақ ақпарат беріліп, кейіпкер ақындық бағыттан ғана емес жалпы жеке тұлға ретінде танылды.
Қаламыздағы танымал ақындарымыздың жолын нәзік те қайратты жырларымен басып келе жатқан Жұлдыздың кітабының тұсау кесу рәсімін «Қаламгер» клубының беделді мүшелері Жанболат Башар, Мөлдір Бөлекова және Еркеназ Бақтораз өткізді. Жан дүниесінің жемісі болған жыр жинағынан «Кәусар» әдеби жастар клубының мүшесі, Балқаш медициналық колледжінің студенті Сарманова Сабина өлең оқып, поэзиялық кездесуде көрермендер мен ақын қыз арасында көңілдің қылын шертерлік сұхбат өрбіді.

@juldyz_akyn