24 Қазан 2024
«Менің Отаным-менің болашағым» тарихи дәріс сабағы
Алтын ұяң – Отан қымбат,
Құт-берекең – атаң қымбат,
Аймалайтын – анаң қымбат,
Асқар тауың – әкең қымбат.
(Қазыбек би)
25 қазан-Республика күні қарсаңында №4 «Сырлас» кітапхана-филиалында «Менің Отаным-менің болашағым» тақырыбында тарихи дәріс сабағы өткізілді. Мақсаты: Балалардың бойында Қазақстанның өткені мен бүгінгі өмірін салыстыра отырып, өз еліміздің даму тарихы туралы танымдарын қалыптастыру. Ұлттық сана-сезімін ояту. Қазақстанның болашақ дамуына өзіндік үлес қосатын жеке тұлға екендерін ұғындыру. Шара барысында Қазақстанның құқықтық және демократиялық мемлекет ретінде қалыптасуы туралы әдебиеттер, сондай-ақ мемлекеттің қалыптасуының әртүрлі кезеңдеріне сәйкес келетін, ел егемендігі тарихының маңызды сәттері туралы баяндайтын кітаптардың мазмұндарына қысқаша шолу жасалды.
Еліміздің егемендігі баянды болып, халқымызға амандық, жерімізде тыныштық болсын!
Республика күні құтты болсын!
