18 Қазан 2024
«Үш бәйтерек – үш алып» зияткерлік-поэтикалық сайысы
Дархан даламызда еркін өсіп-өнген көшпелі халқымыздың бағына туған перзенттері жетерлік. Қазақтың «Үш бәйтерегі» атанған тұлғалар С.Сейфуллин, І.Жансүгіров, Б.Майлиннің туғанына биыл 130 жыл толуына орай М.Хамзин атындағы мәдениет сарайында «Үш бәйтерек – үш алып» зияткерлік-поэтикалық сайысы ұйымдастырылды. Сайыс 3 кезеңнен тұрды «Таныстыру», «Білімді мыңды жығар» (сұрақ - жауап), «Сұлу жырдың сұңқары» үй тапсырмасында әр команда С.Сейфуллиннің шығармаларынан бір өнер дайындау (мәнерлеп оқу, ән айту, көрініс көрсету және т.б.). Әр топ белсенді қатысып, өз білімдері мен өнерлерін ортаға салды. Қазылар алқасының мүшелері, құрамында Қазақстан Журналистер одағының, Қазақстан Жазушылар одағының мүшесі, облыстық «Орталық Қазақстан» газетінің тілшісі Н.М.Кәрім, «Балқаш өңірі» газетінің редакциясы ЖШС директоры Қ.С.Аманқұлов, «Өркен Медиа» телеарнасының жаңалықтар бөлімінің жетекшісі Рауан Ерболатқызы үміткерлерді бағалап, байқаудың қорытындысын келесідей шығарды:
1-дәрежелі дипломмен Абай атындағы №2 мектеп-лицейінің «Рух үштігі» құрамасы;
2-дәрежелі дипломмен Ә.Бөкейханов атындағы №15 мектеп-лицейінің «Әлихан мұрагерлері» тобы;
3-дәрежелі дипломмен №5 жалпы білім беретін мектебінің «Ұшқын» тобы марапатталды.
Зияткерлік ойынға белсенді қатысқан Б.Момышұлы атындағы ЖББ мектебінің «Үштік үні», №9 ЖББ мектебінің «Сәкен шежіресі» және «Қазақмыс» корпорациясының политехникалық колледжінің «Жалын» топтарына Алғыс хаттар мен сыйлықтар табысталды.
ҚҰТТЫҚТАЙМЫЗ!!!
@Abai_2mektep_90jyl
@balkhash_mektep15
@Mektep5
@Bm_mektep_balkhash
@9_mektep_balkhash
@Ptk.balkhash
https://www.facebook.com/cbsbalkhash/videos/1077560207411401
https://www.instagram.com/p/DBRUBUvohk4/
