22 Қазан 2024

«Оқитын ұжым» жобасы

Құрметті кітап сүйер қауым!

«Оқитын ұжым» жобасы бойынша қаламыздағы Білім бөлімінің «Бөбек» бөбекжайы» КҚҚМ қызметкерлерімен Мұхтар Мағауиннің «Бір атаның балалары» атты шығармасын оқып, талқылады.

Мұхтар Мағауин қыршын ерлердің панасыз қалған ата-анасына қарап, жастайынан жетім болған баланы көріп, оқырман талғамынан шығатын туынды жазды. Ол «Бір атаның балалары» деп аталады. Автордың айтуынша, бұл – болған оқиға.

Қатысушылар оқыған туындыдағы кейіпкерлерге тоқталып, олардың бір заманда туып, бір дәуірде ер жеткендігін және әртүрлі тағдырларының бейнеленгендігін түсінді. Шығармада Зигфрид, ағайынды Нартай мен Ертай және ұлты белгісіз Яковтың балалық шағы ғана емес, кейінгі өмірінен де мәлімет берілген.

Аталған туынды талай жанның жүрегіне жылылық, махаббат, бауырмалдық, елжандылық сезімін ұялатады деп ойлаймыз. Ең бастысы, осы туындыны парақтаған жан пендені нәсіліне, дініне, түрі мен тегіне бөлмеу керектігін ұғынатындығы анық. Одан қалды барлығымыздың бір өзеннің арнасы, бір атаның баласы екенімізге көздері жетуі де ғажап емес.

Бүгінгі шығармаға талдауымыз қызықты өтті, барлық қауымға оқуға кеңес береміз.

@bobek_balkhash

https://www.facebook.com/cbsbalkhash/videos/432928953168027

https://www.instagram.com/p/DBahEofIJXx/