21 Қараша 2023

«Кітапқұмар балалар» кітап көрмесі

№4 «Сырлас» кітапхана-филиалына қаламыздағы «Балдырған» бөбекжайының бүлдіршіндері кітапханамен танысуға келді. Балаларды «Кітапқұмар балалар» атты кітап көрмесімен таныстыруды жөн көрдік. Себебі балалар оқу залына кірісімен әсем безендірілген, түрлі-түсті суретті кітаптарды тамашалады. Бүлдіршіндерге «Қуыршақ» театрының жетекшісі М.Утенова өзінің оқушылармен «Алтын күз» сахналық қойылымын ұсынды. Кітапханаға саяхат барысында осында алғаш келіп тұрған бүлдіршіндер түрлі ойындар ойнап, жаттап келген тақпақтары мен әндерін айтып берді. Балалар іс-шарадан өте көтеріңкі көңіл-күймен қайтты, сонымен қатар, олардың көпшілігі ата-аналарымен бірге кітапханаға келіп жазылатындарына уәде беріп тарасты