03 Қазан 2023
«Гүлдене бер, Ару Балқаш!» көрме - инсталляция
Туған жер - әр адамның дүние есігін ашып, өмірге келген жері. Халқымыздың туған жерді ардақтау сезімі өте терең, олар үшін туған жерді қадір тұту - қанға сіңген мінез, ежелгі дәстүр. Сондықтан «Ұлтарақтай болса да, ата - қоныс жер қымбат» деген мақал әр адамның жүрегіне терең ілтипатпен алынатын мақал. А.Гайдар атындағы Орталық қалалық балалар кітапханасында «Гүлдене бер, Ару Балқаш!» атты көрме - инсталляция ұйымдастырылды. Кітап мұқабаларының фотолары арқылы оқырмандар қала сәулеті, қаланың тарихы мен географиясын, мәдени көрікті жерлерімен, жергілікті ақын- жазушылардың шығармашылығымен таныса алады. Кіші Отанының тарихын терең таныстыру, өлкесіне деген патриотизм сезімін оятып, махаббат пен сүйіспеншілігін арттыру - көрме-инсталляцияны ұйымдастырудың басты мақсаты.