22 Наурыз 2023
Күлімдеген шуақты көктеммен бірге қазақ даласына жер әлемді жайнатып, әнші құстарды сайратып келген Ұлыстың Ұлы күні «Наурыз жұмбақ» викторина-байқауы болып өтті. Викториналық сұрақтарға қала тұрғындары өз еріктерімен таңдап алынды. Сұрақтарға дұрыс жауап берген қатысушыларға сыйлықтар таратылды. Викторина барысында қатысушылар салт-дәстүр туралы сұрақтарға жауап беріп, мақал-мәтелдер, жұмбақтар шешіп жарысты. Қатысушылар алғырлықтарын танытты. «Жеті атасын білмеген — жетесіз» деген қазақтың керемет мақалы бар. Балалар «Жеті атаңды жатқа айт!» деген сұраққа өздерінің жеті аталарын жатқа айтып, мүдірместен жауап берген оқушылар тәнті етті. Викторина-байқау балаларға мерекелік көңіл күй сыйлады.