17 Ақпан 2023
«Бір ел – бір кітап-2023» республикалық акциясы
Жазушы, драматург Төлен Әбдік есімі оқырмандарға жақсы таныс.
«Бір ел – бір кітап-2023» республикалық акциясы аясында қазақ прозасы мен драматургиясында ерекше қолтаңбасы бар көрнекті жазушы, драматург, ¬Қазақстанның еңбек сіңірген қайраткері, Мемлекеттік сыйлықтың лауреаты Төлен Әбдіктің шығармаларын оқу ұсынылды. Жазушы шығармаларын насихаттау мақсатында №4 «Сырлас» кітапхана-филиалының ұйымдастыруымен Балқаш қаласы ЖББ №5 мектебінің кітапханасында 9 «Ә» сынып оқушылармен «Төлен Әбдікұлы-шебер суреткер» атты әдеби сағат өтті. Шара барысында 9 сынып оқушылары Виликисова Ақбота, Қымран Нұрбине, Абельдинова Дильназ, Аманбекова Лунара, Азаматқызы Шырын Төлен Әбдікұлының қаламынан туған дүниелерінің ішінде ерекше назар аудартатын, бітім-болмысы басқаша суреттелетін «Оң қол» әңгімесіндегі мейірімділік, жалғыздық, адам психологиясы секілді ауыр тақырыптарды қозғап, өз ойларымен және алған әсерлерімен бөлісті. Әңгіме адам жанының сан алуан екенін көрсетеді. Бұл шығарма - дүниетанымыңды кеңейтуге таптырмас құрал. Шара соңында мектеп кітапханашысы Махашова Көптілеу Шойынбайқызы оқушыларға жазушының «Әке», «Ақиқат», «Көкжиек» повестері мен «Қонақтар», «Өліара», «Парасат майданы» шығармаларын оқуға кеңес берді.