15 Ақпан 2022

«Ауғанстанның отты жылдары» кездесу

С.Сейфуллин атындағы Орталық қалалық кітапханада Кеңес әскерлерінің Ауғанстан жерінен шығарылған күніне орай, «Парасат жолы» аясында «Ауғанстанның отты жылдары» атты Ауған соғысының ардагері Қуанышбеков Марат Касымбекұлымен кездесу - сұхбат болып өтті.
Кітапхана жанынан құрылған «Кәусар» әдеби жастар клубының мүшелері көкейлеріндегі сұрақтарына жауап алып, ардагер мен тәуелсіз ел ұландарының арасында сапалы сұхбат өрбіді. Жастар Марат Қасымбекұлының ерекше тебіреніспен еске алған оқиғаларын, патриотизмге үндеген әңгімелерін ұйып тыңдады.
Сонымен қатар, Ауғанстан соғысының шығу тарихы жайлы сыр шертетін бейнеролик көрсетілді.
Жас кездерінен өздеріне жүктелген міндетті бұлжытпай орындайтын, кешегі өжет ер - бүгінгі таңда, өзінен кейінгі ұрпаққа ақыл айтар - ел ағасы! Аман жүріңіздер, жауынгер ардагерлер.