Бүгінгі мереке күні №3 кітапхана - филиалының ұйымдастыруымен Қ.Сәтбаев ықшам ауданындағы биыл абаттандырылған аулада «Елбасы - ел тірегі» атты викторина өткізілді. Іс-шараның мақсаты: Елбасының өмір жолынан үлгі ала отырып, Отанын, халқын сүюге, патриотизмге тәрбиелеу.

Кітапханашылар аулада ойнап жүрген балаларға және серуендеп жүрген жастарға, ересектерге Елбасымыз бен еліміздің тарихы жөнінде сұрақтар қойды. Оқырмандар ел тарихын жақсы білетінін көрсетіп, сұрақтарға белсенді жауап беріп, көзге түскен қала тұрғындарына «Nur Otan» партиясы Балқаш қалалық филиалының ұсынған сыйлықтары табысталды.