13 Ақпан 2021
Естеріңізге сала кетейік, С.Сейфуллин атындағы орталық қалалық кітапхана, А.Гайдар атындағы орталық қалалық балалар кітапханасы және кітапхана-филиалдары жоспарлы түрде жұмыс істейді, бірақ белгілі бір шектеулермен: оқырмандар кітапханаға келерде бетперде тағу, сонымен қатар 1,5 метр әлеуметтік арақашықтық сақтау керек. Өкінішке орай, әзірге біз сіздермен байқауларға, қызықты кездесулерге және пікірталастарға, оқырмандар конференцияларына және іскери алаңдарға жинала алмаймыз, өйткені көпшілік іс-шараларды өткізуге шектеу қойылды, бірақ сіздер кітапханаларда өзіңіз сүйіп оқитын кітаптарыңызды ала аласыз, газет-журналдарды қарауға, өлкетану бойынша қажетті ақпараттарды іздеуге, коворкинг орталығында жұмыс жасауға, үстел ойындарын ойнауға және т.б. мүмкіндіктеріңіз бар. Сонымен қатар, сіз викториналарға, кездесулерге, ақпарат сағаттарына, тікелей эфирлерге, байқаулар және басқа шараларға біздің әлеуметтік желілерде қатыса аласыз.
Жақын арада бәрі өз орнына келеді деп шын жүректен тілейміз. Біз сіздерді ОҚУҒА шақырамыз!