17 Қаңтар 2020
№3 кітапхана-филиалының ұйымдастыруымен Балқаш қаласының медициналық колледжінің студенттеріне Ілияс Есенберлиннің 105-жылдық мерейтойына орай «Көшпенділер» роман-трилогиясы бойынша әдеби талдауы өткізілді. Катысушылар қазақ әдебиеті тарихында құбылыс болған ел тағдырын шыншылдықпен бейнелеген «Алмас қылыш», «Жанталас», «Қаһар» секілді тарихи романдарын талқылап, ойларын ортаға салды. Автордың әдебиетімен танысуда «Тарихи сананың тамыршысы» атты кітап көрмесі ұсынылды. Ілияс Есенберлиннің тарихи эпопеясы сөз өнерінің әлемдік нұсқасына қосылған тарихты көркемдік пайымдаудың үздік үлгілерінің бірі болып қала бермек.