20 Желтоқсан 2019
№1 кітапхана-филиалында «Бір ел - бір кітап» акциясы аясында Қазақстан жазушысы, мемлекет және қоғам қайраткері Әбіш Кекілбайұлының «Аңыздың ақыры» шығармасы бойынша ұйымдастырылған «Сырлы қалам» иллюстрациялар байқауы өткізілді. Байқауға қаламыздың Өнер мектебінің оқушылары және оқырмандарымыз қатысып, үміткерлердің шығармашылық жұмысын қазылар мүшесі бағалады. Іс-шара «Оқырмандарға сұрақ», «Суреттер сыры» атты екі кезеңнен тұрды. Сурет байқауына қатысқан оқушылар тарихи аңыз-әңгімедегі оқиғаларды, ондағы кейіпкерлердің сезімдері мен жан дүниесіндегі толғаныстарын өздері салған суреттерінде шеберлікпен бере білді. Байқаудың қорытындысы бойынша I-дәрежелі дипломмен Т.Нургалиева, II-дәрежелі Д. Муратова, Е.Тілек III-дәрежелі дипломмен және бағалы сыйлықтармен марапатталып, барлық қатысушыларға алғыс хаттар табысталды.