20 Шілде 2019
Балаларда жолда жүру кезінде қауіпсіз тұрақты іс-әрекет дағдыларын қалыптасыру мақсатында А.Гайдар атындағы орталық қалалық балалар кітапханасында «Бағдаршамда қонақта» атты танымдық ойыны ұйымдастырылды. Іс-шара барысында балалар жолда жүру кезінде өзін қалай дұрыс ұстау, бағдаршамда қанша сигнал бар, оның түстері нені білдіреді, машиналарға арналған бағдаршамдардың адамдарға арналған бағдаршамнан айырмашылығы неде, жолды қалай дұрыс өту керек деген сияқты сұрақтарға жарыса жауап берді. Балалар үлкен қызығушылықпен тақырып бойынша жұмбақтар шешті, «Бағдаршам», «Шабандоз», «Сенімді белгі» атты ойындарына қатысты. Өте белсенді және көңілді өткізілген шара барысында қатысушылар жол жүру ережелерін сақтау маңызды екеніне тағы да көз жеткізді.