03 Шілде 2019
Жақында біз мемлекеттік мерекеміз – Қазақстан Республикасының Тұңғыш Президенті Н.Ә.Назарбаевтың төл перзенті керемет те ғажайып астана күнін тойлаймыз.
С.Сейфуллин атындағы Орталық қалалық кітапханада өткізілген «Нұр-Сұлтан - бейбітшілік пен келісімнің тоғысқан жері» атты қызықты бейнесаяхат сапарына қаланың этномәдени бірлестіктерінің өкілдері, «Достық» орталығының белсенді мүшелері және ЖББ №9 орта мектептің мектеп жанындағы «Балбұлақ» лагерінің балалары аттанды. Олар Нұр-Сұлтанның әдемі көшелері мен әсем алаңдарында болып, ескерткіштері мен қазақ елінің маңызды тарихи орындарымен танысты. Кітапхананың кішкентай оқырмандары әйгілі ақындар Ф.Оңғарсынова, С.Тұрғынбекұлы, Н.Айтұлы, Т.Молдағалиев, К.Салықов сынды елордамыз туралы тамаша лирикалық поэзиясының туындыларын мәнерлеп оқуы кезінде біздің бас қаламыздың ерекше көркемдігі мен сәнділігі байқалды. Этномәдени орталықтардың өкілдері де Нұр-Сұлтан туралы тамаша әндер орындады.