25 Маусым 2019
Жаз төрт мезгілдің ішіндегі ең ыстық әрі ең көңілді мезгіл. Оқушылардың барлығы жазғы демалысқа шығып, күніге серуендеп, ойын ойнайды. Балалардың бос уақытын ұйымдастыру үшін мектеп жанындағы жазғы лагерлердің жұмысы жандануда. С.Сейфуллин атындағы Орталық қалалық кітапханада ұйымдастырылған «Кітап әлеміне саяхат» экскурсиясына жалпы үлгідегі ЖББ мектеп-интернаты мен №17 мектеп-лицей оқушылары қатысты. Шара барысында балалар кітапхана бөлімдерімен танысып, өздеріне ұнаған кітаптарды оқып қызықтады. Кітапханашы кітап көрмелерімен таныстырды, кітапханашы жұмысы, кітапхана туралы ақпаратпен бөлісті. Балалар уақыттарын пайдалы, қызықты өткізді.