05 Маусым 2019
Жадырап жаз келді! Балалар да көптен күткен жазғы демалысқа шықты. Олардың бос уақытын дұрыс ұйымдастыру, жаз мезгілін қызықты өткізіп, оларға көтеріңкі көңіл-күй сыйлау мақсатында С.Сейфуллин атындағы Орталық қалалық кітапханада дәстүрлі «33 ойлар» үйірмесі талапты да дарынды, белсенді оқырмандарымен өз жұмысын жалғастырып келеді. Үйірмеде балалар сурет салуды, бисермен жұмыс, аппликация өнері арқылы картиналар, түрлі түсті қағаздардан әдемі бұйымдарды жасауды үйренеді. Жазғы демалыс кезінде үйірме тұрақты жұмыс істейді. Осындай үйірмелердің арқасында бүлдіршіндер бір-бірімен жақсы араласып қана қоймай, шығармашылық қабілеттерін де дамытады. Біз сіздерді «33 ойлар» үйірмесіне шақырамыз!