"Балқаш қаласының орталықтандырылған кітапхана жүйесі"
коммуналдық мемлекеттік мекемесі
20 Сәуір 2019
Шолпан жұлдыз - өзіңсің шоқтай жарық,
Көз алмаймыз көркіңнен тоқтай қалып.
Туған жердің төсінде мәңгілікке,
Тұр ғой сенің жүрегің оттай жанып...
Осы жылы Кеңес Одағының Батыры, қазақтың қаһарман мерген қызы Әлия Молдағұлованың туғанына 95 жыл және ерлікпен қаза тапқанына 75 жыл толды. Қатал соғыс ызғарын тым ерте кешкен Қобда гүлі – Әлия. «Қазақ қызы, Ленинград қызы» деп атайтын Әлия есімі қазақстандықтарға да, ресейліктерге де бірдей қымбат. Ол Кеңес Одағын, өз Отаны болған елді қорғады...
С.Сейфуллин атындағы орталық қалалық кітапхана қызметкерлері қалалық Ардагерлер кеңесінің «Ардагер» клубында қазақ халқының даңқты қызына арналған «Мәңгілік өлмейтін, өшпейтін жастық» атты тарихи экскурс өткізді. «Снайперы» көркем фильмінен үзінді, Ұлы Отан соғысының құжаттық хроникасы, соғыс жылдарындағы әндер қатысушылардың көңілің босатып, көздеріне жас алғызды. Кездесу соңында, метроном дыбысымен Ұлы Отан соғысы майдандарында қаза тапқандарды еске алу үшін үнсіздік минуты жарияланды.
Әлия Молдағұлова. Біз оның 19 жасар, ержүрек, ондаған фашистерді жойып, ел үшін, бейбітшілік үшін күрескен даңқты бейнесін мәңгі есте сақтаймыз... Әлия - мәңгілік өлмейтін жастық шақ.
