16 Сәуір 2019

«Қазақ поэзиясының құлагері» әдеби портреті

     Коңырат ықшам ауданындағы №5 балалар кітапхана-филиалында әйгілі ақын, драматург, сөз зергері Ілияс Жансүгіровтың 125- жылдық мерейтойына арналған «Қазақ поэзиясының құлагері» атты әдеби портреті болып өтті. Аталмыш шараға ЖББ №25 орта мектептің 7-8 сынып оқушылары қатысып, ақынның өмірбаяны мен шығармашылығы жайлы кітапханашылар дайындаған бейнефильмді тамашалады. 7 «А» сынып оқушысы А.Аманғазина ақынның «Құлагер», 8 «Б» сынып оқушысы А.Сәкітайқызы «Күйші» атты поэмаларынан үзінді оқыса, 8 «Б» сынып оқушылары А.Абдығалықұлы мен «Домбыра», А.Шайкимбаев «Кедей еркі» сынды өлеңдерін нақышына келтіре оқып, көрермендерді тәнті етті.