22 Ақпан 2019
«Бір ел - бір кітап» акциясын дәріптеу мақсатында Әбіш Кекілбаевтың «Аңыздың ақыры» романы бойынша №5 балалар кітапхана-филиалында «Кемел елдің кемеңгер қаламгері» атты оқырмандар конференциясы өтті. Конференцияға ЖББ №25 мектептің 7-8 сынып оқушылары қатысып, жазушының өмірі мен шығармашылығы туралы слайдты тамашалады. Ісшара барысында оқушылар «Аңыздың ақыры» романына қатысты өз ойларын ортаға салып, жалпы шығарманың тәрбиелік мәні туралы талқылады. Сонымен қатар, ЖББ №25 мектептің 7 «б»-сынып оқушысы А.Құрметұлы жазушының «Теңіз жағасындағы ой» өлеңін жатқа оқып, оқырмандарды тәнті етті. Кешке қатысқан оқушылар Әбіш Кекілбаев туралы қазақ, шетел зиялыларының білдірген ой-пікірлер айтып, ұлының ұлықтылығын паш етті.