19 Ақпан 2019
№4 «Сырлас» кітапхана-филиалында Ш.Аймановтың туғанына 105 жыл толуына арналған «Қазақ киносының саңлағы» танымдық сағаты ұйымдастырылды. Шараға Халық қаһарманы Р.Қошқарбаев атындағы Балқаш техникалық колледжінің МС-18 – тобының студенттері мен ұстаздары қатысты. Кітапханашы Шәкен Аймановтың өмірі мен шығармашылығы туралы айтып, қазақ киносының дара саңлағы туралы бейнеролик көрсетілді. Әйгілі «Тақиялы періште» комедиясынан шағын қойылымды «Балқаш қаласының мәдени-сауық орталығы» қызметкерлері: Утенова М.Н., Баймағанбетов Е. көрсетіп, көрермендердің көңілінен шықты. Танымдық сағат соңында мәдени-сауық орталығының әншісі Игембеков Асхат «Тақиялы періште» комедиясынан алынған «Мама» әнін қалықтата шырқап берді.