19 Ақпан 2019
№3 кітапхана-филиалында Шәкен Кенжетайұлы Аймановтың туғанына 105 жыл толуына орай ұйымдастырылған «Экран шебері» атты шығармашылық портретінде кітапханашы оқырмандарды кинорежиссердің өмірі, шығармашылығымен таныстырды. Режиссердің «Махаббат туралы аңыз», «Алдар көсе», «Атамекен», «Найзатас баурайында», «Біздің сүйікті дәрігер» мен «Тақиялы періште» фильмдері ұлттық кино өнерінде комедиялық жанрды дамытудағы ізденістерімен ерекшеленгенін айта кетті. Қатысушылар Шәкен Аймановтың шығармашылығы туралы пікірлерімен бөлісіп, сүйікті режиссердің фильмдерін қызығушылықпен талқылады. Соңында кітап көрмесі таныстырылып, Ш. Аймановқа арналған деректі фильм көрсетілді.