14 Ақпан 2019
Мемлекет басшысы Н.Ә. Назарбаев өзінің Жолдауында атап өткендей, 2019 жыл - Жастар жылы болып белгіленді. Еліміздің қозғаушы күші, оның үміті мен болашағы жастар екені анық. Бірақ жастарымыз өздерінің болашақтарына қаншалықты сенеді? Біз осы мәселе жөнінде және басқа да осы тәрізді сауалдарды жастардың өзінен сұрауды жөн көрдік.
Осы мақсатта, С.Сейфуллин атындағы орталық қалалық кітапхананың коворкинг-орталығында «Ел жастары - ұлы мұрат жолында» пікірлер тоғысы өтті. Шара барысынды кітапханашы қатысушыларға Жастар жылының маңыздылығы, жас қазақстандықтардың алдында ашылған мүмкіндіктері жайлы айтып берді. Өз кезегінде Балқаш көпсалалы, медициналық, Академик Ж.С.Ақылбаев атындағы маңызды білім беру колледждерінің студенттері жоспарларымен бөлісіп, өзекті мәселелерді көтеріп, оларды шешу жолдарын ұсынды. Балқаш жастары – ақылды, озық ойлы және болашақтарынан үміт күттіретін ұрпақ екеніне біз қуаныштымыз!