13 Ақпан 2019
Мерейтой - өте маңызды мереке. Бұл мерекені адамдар ғана емес, сонымен қатар, архитектуралық құрылыстар, суреттер, жазушылар және тіпті кітаптар да атап өтеді. 2019 жыл әлемдік әдебиетте із қалдырған танымал шығармаларға, жазушылар мен ақындарға бай. №3 кітапхана-филиалында «Біздің мерейтой күнтізбеміз» атты ақпараттық сағат ұйымдастырылып, оқырмандар назарына қазақ және әлем әдебиеті классиктерінің, сондай-ақ, осы жылы мерейтойлық күндерді атап өтетін қазіргі қазақстандық және шетелдік авторлардың шығармалары ұсынылды. Кітапханашы мерейгер-жазушылардың өмірі мен шығармашылығы жайлы, олардың өмірбаяндарынан қызықты деректер келтіре әңгімеледі. Оқырмандарға ұсынылған шығармаларға қызықты шолу жасалды, үзінділер оқылды. Бұл кітаптарды көптеген қатысушылар ризашылықпен үйге оқуға алды.