12 Ақпан 2019
«Бір ел - бір кітап» акциясы аясында халық жазушысы, көрнекті ақын Әбділда Тәжібаевтың шығармашылығын дәріптеу мақсатында №1 кітапхана-филиалында «Заманымыздың заңғар тұлғасы» атты мәнерлеп оқу іс-шарасы өткізілді.
Кітапханашы балаларға осы заманғы қазақ поэзиясының аса көрнекті шебері, ірі драматург және белгілі әдебиет зерттеушісі Ә.Тәжібаевтың өмірбаяны мен шығармашылығы туралы әңгіме қозғады. Лирик ақынның шығармаларына шолу жасай отырып, өлеңдерінің мазмұны мен идеясын түсіндіріп өтті. Кітапхана оқырмандары: Аронова Д., Марал Ж. «Нең бар менде», Қабдырахым А. «Ана», Құдайбергенова Ф. «Жолдас, Абай», Мұрат С. «Көңіл күйі», Қажыбаев Н. «Алыстағы» ақынның өлеңдерін ерекше мәнерлеп, нақышпен оқыды. Іс-шараға қатысушыларға алғыс хаттар тапсырылды.