12 Қаңтар 2019
Николай Носовтың шығармалары балалардың бойында әдептілік, еңбекке құштарлық секілді қасиеттерді оятуға көп көмегін тигізеді. Жазушының әрбір шығармасы әзіл-қалжыңға толы. Сондықтан да болар, оның шығармаларын балалар ықыласпен, қызығушылықпен оқиды. А. Гайдар атындағы Орталық қалалық балалар кітапханасында аса көрнекті жазушы Н.Носовтың дүние жүзі халықтарының көптеген тілдеріне аударылған, балалар сүйіп оқитын «Дымбілмес және оның достары» атты әйгілі шығармасының жарық көргеніне 65 жыл толуына арналған «По следам коротышек..» атты көңілді және қызықты әдеби саяхат өтті. Іс-шара барысында балалар арманшылдар мен ойшылдар, білгірлер мен дымбілместер, бұрандалардың қайда тұратынын білді. «Незнайкины творения», «Угадай профессию коротышки» викторина және сайыстарына қызығушылықпен қатысты. Балаларға Дымбілместің портретін бейнелеп, өздерін жас суретшілер ретінде сезінген «Тюбиктер» сурет байқауы қатты ұнады.