19 Желтоқсан 2018
Ұлт ойындары – ата – бабамыздан бізге жеткен, өткен мен бүгінгіні байланыстыратын баға жетпес байлығымыз, асыл қазынамыз. Ұлттық ойын түрлерімен таныстыру, ұлттық ойындар арқылы оқушының өз ұлтының әдет-ғұрпына, салт дәстүріне деген қызығушылығын ояту мақсатында А.Гайдар атындағы орталық қалалық балалар кітапханасында «Ұлттық ойын- салауатты өмір салты» атты зияткерлік ойыны өткізілді. «Салт - дәстүр», «Тұлғалар», «Ұлттық тағамдар» кезеңдерінен тұрған ойын барысында балалардың көңілі өсіп, бойы сергіп қана қоймай, бір- бірімен тез тіл табысып, бірінен – бірі ептілікті үйренді. Ойын тартысты және қызықты өтті. Шара соңында балалар кітапхана бөлімдеріне саяхат жасап, кітаптар тамашалады.