07 Желтоқсан 2018

«Казахстан – страна мира» ақпараттық сағаты

    Әрбір мемлекет пен халықтың жарқын болашағына себепкер күндер бар. Қазақстандықтар үшін мұндай күн - 1991 жылғы 16 желтоқсан. Бұл күні Қазақстан бүкіл әлемге өзінің тәуелсіздігі туралы жариялады. Тәуелсіздік күні- бұл біздің әрқайсымыздың, бүкіл Қазақстан халқының мерекесі.

    Осы тарихи күнді мерекелеу қарсаңында С.Сейфуллин атындағы орталық қалалық кітапхананың қызметкерлері "Балқаш қалалық мүгедектер қоғамы" ҚБ-де болып қайтты.

     Жүргізуші А.Арзымбетова бұл мемлекеттік мереке күнтізбемізде қалай пайда болғанын, сондай-ақ, осы атаулы күнге орай тарихи оқиғалар мен деректер жайлы сыр шертті.

     Іс-шара қатысушылардың қызығушылығын тудырған бейне материалдар мен электрондық презентациямен сүйемелденді.

     Соңында мүгедектер қоғамының төрайымы К.М.Жакупбекова қатысушыларды Тәуелсіздік күнімен құттықтап, өткізілген іс-шара үшін алғысын білдірді