22 Қараша 2018
Таңғажайып құбылыстарға толы орман ұғымы балаларды қашанда ертегі әлеміне жетелейді. Тамаша да таңғажайып сәттердің куәсі болу үшін №2 кітапхана-филиалында ЖББ №17 мектеп-лицейінің 5 сынып оқушылары «Загадка в лесу на каждом шагу» әңгімесіне жиналды. Әңгіме ойын түрінде және бірнеше деңгейде өтті. Ертегі кейіпкерлері Эльфтер балаларға түрлі сұрақтар қойып, «Мы идем лесной дорогой», «Экологический светофор», «Назови одним словом», «Чей домик?» викториналары ойнатылды. «В мире животных» білгіштер викторинасы да балалардың танымын анықтады. Орман желегімен жүре отырып балалар түрлі ребустар, жұмбақтар шешіп, мақал-мәтел, жаңылтпаштарын еске түсіріп, қызықты кітаптармен танысты. Табиғатты қорғау әркімнің міндеті екенін түсінген жас оқырмандар шарадан алған әсерлерімен бөлісті.