22 Қараша 2018
2018 жылдың 22 қарашасында Балқаш қаласының орталықтандырылған кітапхана жүйесі қызметкерлері, «Нұр Отан» және «Бірлік» бастауыш партиялық ұйымының мүшелері Елбасы Н.Ә.Назарбаевтың «Ұлы даланың жеті қыры» мақаласын талқылады. Талқылауды «Нұр Отан» партиясы депутаттар фракциясының мүшесі, қалалық мәслихат депутаты, "Бірлік "БПҰ төрайымы, Балқаш қаласының қоғамдық келісім кеңесінің төрайымы, ОКЖ директоры Л.В.Власова ашып, ұлы даланың ғасырлар бойғы мұрасын сақтап, ұлт тарихына терең үңіліп, төл тарихымызды жаңа қырынан жандандыруды және жас ұрпақ санасына сіңіруді жалау еткен мақала деп түйді. Талқылауда сөз алып, өз ойларымен бөліскен Б.Мухаметжанова, А.Арзымбетова, Е.Жоржик және Д.Жаркымбекова аталмыш мақала мәнінің тереңдігін атап өтті. Тарихқа тағзым ету - болашақ кепілі екені мақалада айқындала түсті.