15 Қараша 2018
Ұлттық теңгеміздің 25 жылдығына орай №2 кітапхана-филиалында «Ұлттық теңге – болашақтың кепілі» тарихи сағаты өтті. Теңге тарихы мен даму жолын таныстыру мақсатында ұйымдастырылған шараға лингвистикалық бағытта білім беретін №16 орта мектебінің 10 сынып оқушылары қатысты. Оқушылар жалпы ақша тарихы мен төл теңгеміздің өмірге келуі туралы қызықты мәліметтер алды. Сұрақтар қойып, өзара пікір алмасты. Теңге күніне арналған кітап көрмесіне шолу жасалды. Пайдалы әрі қызықты ақпараттарға қанық болған оқушылар ерекше әсерде тарқасты.