01 Қараша 2018
31қазанда Қоңырат шағын ауданының №5 балалар кітапхана-филиалында қазақ әдебиетінің аса көрнекті өкілі, ақын, Алаш қайраткері Сұлтанмахмұт Торайғыровтың 125 жылдығына арналған «Шығамын тірі болсам адам болып » атты әдеби кеш ұйымдастырылды. Кеш шымылдығын №25 ЖББ орта мектептің 5 А сынып оқушысы Серікова Жамиля «Шәкірт ойы» өлеңімен ашты. Ақын өлеңдерін аса тебіреніспен орындаған қатысушылар жұлдыздай жарқ еткен тұлғаның өмірі мен шығармашығы жайлы құнды деректі арнайы дайындалған бейнероликтен тамашалады. Әдеби кештен ерекше әсер алған жас оқырмандар ұлтын сүйген Алаш ұлының шығармаларынан айрықша леп, асқақ рух алғандай әсерде болды.