28 Қыркүйек 2018
28 қыркүйек №5 балалар кітапхана-филиалында Оралхан Бөкейдің 75- жылдық мерейтойы қарсаңында жазушының «Қайдасың, қасқа құлыным» повесі желісінде оқырмандар конференциясы өтті. Шараға №25 мектептің 7-9 сынып оқушылары қатысты. Оқушылар повесті талдай отырып, әр қайсысы шығармадан алған өз әсерлерін, түйген ойларын, ерекше сезімдеріне әсер еткен оқиғаларды әңгімеледі. О.Бөкейге арналған жыр жолдары оқылып, оқушылылар экраннан жазушының өмірі мен шығармалары жайлы бейнебаянды тамашалады. Конференцияда қатысушыларға қазақ әдебиетіне өзіндік ерекшелігімен, өзіндік өрнегін сала келген жазушының өмірінен оқырманға белгісіз беттері жайлы, еңбек жолы туралы сөз болды. Іс –шара соңында жазушының шығармаларына арналған «Алтайдың ақиығы» кітап көрмесі ұсынылды.