15 Тамыз 2018
А.Гайдар атындағы орталық қалалық балалар кітапханасында Қызыл кітап және оның маңыздылығынан сыр шертетін «Қызыл кітап беттерінен» атты танымдық сағаты өтті. Кітапхана қызметкері жас оқырмандарға қазіргі заманғы экологиялық мәселелерді баяндай отырып, табиғатты аялаудың қаншалықты маңызды екенін жеткізді. Жас оқырмандар «Тылсым табиғат таңғажайыптары» көрмесіндегі табиғат жайлы алуан түрлі кітаптармен таныса отырып, «Сүтқоректілердің жойылуы», «Сұлулықтың жоғалуы» атты станциялар бойынша табиғат әлеміне саяхат жасады.
Іс-шара соңында қатысушылар планетамызды қауіпсіз, таза әрі әдемі сақтау үшін қандай қадамдар жасайтынын асқан ынта-ықыласпен жеткізді.