18 Шілде 2018
Әрбір балақай - өз шығармашылығын жасаушы және жаратушы, яғни ғажайып қиялынан туындаған ертегісі, жалпы шығармашылық деп аталатын сиқырлы әлемнің иесі. Қоңырат мөлтек ауданындағы №5 балалар кітапханасында папье-маше техникасы бойынша жасалған «Сыйлыққа ойыншық» атты шеберлік сағаты өтті. Алдымен кітапханашының көмегімен дайындық жұмысы басталып, жасайтын ойыншықтардың моделін құрып алды. Содан кейін өздерінің қызығушылық талғамдары бойынша әр түрлі бояулармен бояй бастады. Балалар өз қолдарымен жасаған әдемі дүниелерін көруге асықты. Оларға папье-машемен мүсін жасау ұнағаны соншалық, келесі жолы шеберлік сағатын қайта өткізуге тілек білдірді.