04 Шілде 2018

Ашық аспан астындағы жазғы оқулар

     Жаз – барынша көп уақытыңызды таза ауада өткізгіңіз келетін мезгілдердің бірі.  Қаланың өмірі мен күнделікті мәселелерден алшақтап, өзіңіздің қалауыңыз бойынша газет журналды таңдап, ыңғайлы орынға барып оқуға болатын тамаша уақыттың бірі. Кітапханаға барынша көп оқырман шақыру мақсатын алға қойған С. Сейфуллин атындағы орталық қалалық кітапханасы ашық аспан астындағы жазғы оқулары бойынша іс-шараларын әр аптаның сәрсенбінің сәтті күнінен бастап жұма күндері аралығында көл жағалауында, Уалиханов, Бөкейханов көшелерінде өз жұмыстарын жалғастыруда. Оқу үшін түрлі жанрдағы және бағыттағы журналдар мен газеттер ұсынылуда: «Казахстанская правда», «Егемен Қазақстан», «Караван историй», «Discovery», «Жұлдыздар отбасы», «Автомир», «Время, «Собеседник» және т.б. Жазғы оқу залының оқырманы кез-келген адам бола алады. Біздің кітапхана сіздер үшін есіктерін әрдайым айқара ашады.