21 Маусым 2018

«Кітап – мәңгі серігің» жазғы оқулар

     Әрбір адамның өмірлік досы кітап болуы тиіс екенін бәріміз білеміз. Кітап – алдыңғы ұрпақтың келешек ұрпаққа қалдырған өсиеті. Жаһандану заманында рухани құндылықтарды алға қойып, кітап оқуды насихаттауда кітапхана қызметкерлері қалыс қалып жатқан жоқ. Сондай-ақ балаларды жазғы каникул кезінде кітапханаға тартып, әр түрлі әрі қызықты іс-шара өткізу кітапханашылардың сүйікті ісі десек те болады.

     №4 «Сырлас» кітапхана-филиалында қалалық мәдени-сауық орталығы қызметкерлерінің қатысуымен бүлдіршіндерге арналған «Түлкі мен қоян» ертегісі тамашаланды. Шара соңында балалар сүйікті кітаптарын аспан астында оқып, қызық-қуанышқа бөленді.