12 Маусым 2018
Асыға күткен жазғы демалыс та келіп жетті. Осы орайда С.Сейфуллин атындағы орталық қалалық кітапханада дәстүрлі «33 идея» үйірмесі жалғасын тапты. Балалардың шығармашылық қабілетін дамытып, креативті әрі заманауи қолөнерге баулуды мақсат тұтқан аталмыш үйірмеге балалар алғашқы күннен бастап ерекше қызығушылық танытты. Балалар әр үйірме сабағында жасаған бұйымдарын ата-аналарына көрсетіп, қуанышқа бөледі. «33 идея» балалардың шығармашылық белсенділігін, қызығушылығын, танымдық ойлауын арттыратын әрі жазғы демалысты тиімді өткізуіне септігін тигізетін бірден бір үйірме. Үйірмеге қатысушы балалардың қиялына шектеу қойылмайды, оның дәлелі – балалардың өз қолдарымен жасаған квиллинг, сүйкімді білезіктер сынды туындылары көздің жауын алады.