05 Мамыр 2018
ҰОС ардагерлеріне құрмет көрсету, жастар санасында патриоттық тәрбие қалыптастыру мақсатында А.Гайдар атындағы орталық қалалық балалар кітапханасында Жеңіс күніне орай «Рауан» патриоттық клубының кезекті отырысы өткізілді. Балалар «Жеңістің рухы - биік, даңқы - мәңгі» атты тарихи сабақ барысында Ұлы Отан соғысы жайлы түрлі мағлұматтармен танысып, фашистік Германия жауынгерлерінің шабуылын хабарлаған Левитанның даусын естіді. «Қазақстандықтар Ұлы Отан соғысында» деректі фильмі көрермендерге ерекше әсер қалдырды. Балалар соғыс тақырыбындағы өлеңдерді нақышына келтіре оқып, сол жылдардағы әндерді тыңдады. Майданда ерлікпен қаза болған батыр жауынгерлерді бір минут үнсіздікпен еске алды.