05 Мамыр 2018
Жас ұрпақтың бойында патриотизм мен азаматтық борыш сезімін тәрбиелеу, біздің халқымыздың өткен ерліктерін есте сақтау мақсатында №2 кітапхана –филиалында №16 орта мектебінің 9 сынып оқушыларымен Отан қорғаушылар күні қарсаңында «Отансүйгіштік – асыл қазына» атты ерлік сағаты болып өтті. Балалар мерекенің шығу тарихымен танысып, Отан қорғаушы болу үшін балалық щақтан қандай қасиеттерді дамыту керек екенін және басқа да сұрақтар барысында өздерінің сан-қилы ойларымен бөлісті. Отан туралы өлеңдер оқылып, кітапханашы әскери өмірден алынған қызықты деректермен бөлісті. Шара қатысушыларының назарына «Соғыс жайлы естеліктер жүрегімізде және кітаптарда» атты әскер тақырыбына арналған кітап көрмесі ұсынылды.