04 Мамыр 2018
9 мамыр – Жеңіс күніне орай 2018 жылғы 4 мамырда С.Сейфуллин атындағы орталық қалалық кітапхананың ұйымдастыруымен «Жүректер мен кітаптарда сақталған Ұлы майдан» атты акция өтті. Қала жастарына адамзатқа әділ жеңіс әкелген Ұлы Отан соғысы туралы көбірек мәлімет беру мақсатында өткен акцияда кітапхана қызметкерлері қала тұрғындарына соғыс жайындағы кітаптар мен сұрапыл майданды суреттеген шығармаларды сыйлады. К.Қайсенов, Б.Момышұлы, Э.М.Ремарк, А.Ананьев, А.Приставкин, А.Фадеев, Б.Васильев және т.б. авторлардың кітаптарын зор қуанышпен қабылдаған тұрғындар батырларымыздың ерлігін мәңгі есте сақтап, соғыс ардагерлерін мақтан тұтып, қадірлейтінін жеткізді.