20 Сәуір 2018
Дүниежүзілік кітап және авторлық құқық күніне орай №1 кітапхана-филиалы «Астана» аллеясында «Кітап – сарқылмас қазына» флешмоб-акциясын өткізді. Н.К. Крупская атындағы ЖББ №4 орта мектеп, Абай атындағы №2 мектеп-лицейі, №15 мектеп-лицейінің оқушыларының қатысуымен алаңда кітап бейнесі жасалды.
Елімізде 2005 жылдан бастау алған «Буккроссинг» акциясы – шараның негізгі ұйытқысы болды. Енді кез-келген кітап сүйер қауымның қалаған кітабын алып оқитын мүмкіндігі бар. Қала тұрғындарының игілігіне классика, әлем әдебиеті және балалар әдебиетімен толықтырылған үлкен кітап сөресі қойылды. «Кітап Ханшайымын» сомдаған №15 мектеп-лицейінің оқушы Н.Жарылғап кітаптың құндылығы туралы өлең шумақтарын оқыды. Шараға белсене қатысқан білім мекемелері алғыс хаттармен марапатталды.