20 Сәуір 2018
20 сәуірде С.Сейфуллин атындағы орталық қалалық кітапханада жерлесіміз, мәскеулік ақын, музыкант және композитор, Ресей Жазушылар одағының мүшесі Константин Григорьевтің шығармашылығына арналған «С вами остался мой океан фантазии» атты поэтикалық сағат болып өтті.
Талантты жазушының өмірі мен шығармашылығы туралы мәліметтермен анасы, Қазақстан Республикасының Құрметті тілшісі Тамара Тимофеевна Григорьева бөлісті. Қатысушылар Константинды білетін естеліктер мен қуанышты сәттерін естеріне түсірді. Қонақтар шығармашылық көзқарастарын білдіріп, белсенді оқырмандар автордың өлеңдерін оқыды.
Өзінің тамаша өмірлік шағында, 40 жаста белгілі ақын өмірден озды. Константин Григорьев – бірегей тұлға, ол өлеңдерін, әндерін тек шын жүректен шығаратын, кереметтей талант иесі болған. Ол өмірден озса да, артынан ұмытылмайтын із қалдырды.