26 Қаңтар 2018

«Спортпен мәңгі достасқан» реквием сағаты

    №2 кітапхана-филиалында Балқаш қаласының Құрметті азаматы, ҚазКСР және Қазақстан Республикасының Еңбек сіңірген жаттықтырушысы, бокстан КСРО Спорт шебері Александр Иванович Апачинскийді еске алуға арналған «Спортпен мәңгі достасқан» атты реквием сағаты болып өтті.

      Қазақстан Республикасының аға жаттықтырушысы А.Апачинский талантты боксшылардың тұтас шоғырын тәрбиелеген. Оның тәрбиеленушісі - Атланта олимпиадасының чемпионы (1996), алтын медаль және Вэл Баркер кубогының иегері балқаштық боксер В. Жиров. А.Апачинский  Е.Ибраимов, Б.Ниязымбетов, Б.Саттарханов, Б.Жұмаділов, М.Ділдабеков, Б.Артаев, Г.Головкин, С.Елеуов, Б.Сәрсекбаев секілді боксшылар құрамасымен жұмыс жасаған.

   Қатысушылар жерлесіміз туралы көптеген ақпараттар алып, алған әсерлерімен бөлісті. Шара соңында тәрбиеленушілерінің А.Апачинскийді еске алған сәттеріндегі бейнефильмнен үзінділер көрсетілді.