21 Желтоқсан 2017
№ 4 «Сырлас» кітапхана-филиалында «Толеранттылық – бірге өмір сүру өнері» атты дөңгелек үстел ұйымдастырылды. Бұл шараға Ә.Мусин атындағы Балқаш гуманитарлы-техникалық колледжінің ШК-15-9 және ОИ-17-9 тобының студенттері қатысты. Дөңгелек үстел барысында қатысушылар әлем халқының төзімділік, шыдамдылық туралы ой-пікірлері мен «толеранттылық» сөзінің шығу тарихын талқылады. Студент жастар әр түрлі ұлт өкілдерінің мәдениеті мен салт-дәстүріне құрметпен қарау, өзара сыйластыққа құрылған қарым-қатынастың артықшылығын бағалады. Әр түрлі жағдаяттарды мысалға ала отырып, сұрақтарға жауап берді. Дөңгелек үстел қатысушылары белсенділікпен пікір алмасты.