27 Қазан 2017
Латын әліпбиіне көшу туралы бастама Қазақстанның егемен мемлекет ретінде дамуындағы көтерілген мәселе. Қазақ тілінен латын әліпбиіне көшу бізге тек халықаралық қоғамдастықта табысты интеграцияны жалғастырып қана қоймай, сонымен қатар, өз кезегінде қазақ мәдениетінің қазынасын басқа елдерге қолжетімді етіп, ағылшын және интернет жүйесінің тілдерін жақсы оқуға, ең бастысы – мемлекеттік тіліміз қазақ тілінің жаңғыруына серпін береді.
Қазақ тілінен латын әліпбиіне көшуге арналған іс-шаралар аясында, №2 кітапхана-филиалында ЖББ №17 мектептің 9-сынып оқушыларына арналған «Латын әліпбиі – уақыт талабы» атты ақпараттық сағат өткізілді. Шараның мақсаты: оқушыларға қазақ тілінен латын әліпбиіне көшу қажеттіліктерін түсіндіру.
Кітапханашы қатысушыларды Елбасымыздың «Болашаққа бағдар: рухани жаңғыру» мақаласымен, қазақ әліпбиінің тарихымен таныстырды. Оқушылар латын әліпбиіне көшу туралы тақырыпқа белсене атсалысып, «Латын әліпбиі - уақыт талабы» сөйлемін, Қазақстан, өмір, әлем, кітапхана, табиғат сөздерін өз еріктерімен латын әліпбиінде жазды.