Александр Дмитриевич Русалимчик 1946 жылы 1 қыркүйекте Балқаш қаласында дүниеге келген. Балқаш тау-кен металлургиялық техникумының «Өнеркәсіптік кәсіпорындардың электр жабдықтары» мамандығы бойынша оқу бітіргеннен кейін 1963 жылы ол Балқаш тау-кен металлургиялық комбинатында еңбек ете бастады. Ол өз еңбек жолын электр жөндеу цехында электрослесарь мамандығынан бастап, содан кейін сол жерде шебер, бас инженер, учаске бастығы болып жұмыс істеді. 90-шы жылдары шағын учаскелерді тиімді жұмыс істеу мақсатында ірі учаскелерге біріктіре бастады және 1997 жылы «Қазақмыс корпорациясы» ЖШС БКМК құрамында монтаждау-реттеу цехы құрылды. Осы құрылымдық бөлімшенің басшысы болып А. Русалимчик тағайындалды. Одан әрі, 2001 жылы монтаждық-жөндеу цехы ірі бөлімше — электр монтаждық басқарма болып қайта құрылды және басшы болып қайта А. Русалимчик тағайындалды. Қазір Электромонтаж басқармасы "Maker" (Мэйкер) — "Энергоспецсервис" ЖШС филиалына реформаланды, оған Балқаш және Жезқазған алаңдарының барлық энергия қызметтері кіреді. Бұл үлкен бөлімшені Александр Дмитриевич Русалимчик басқарады. Ол үлкен шаруашылықпен және 700 — ден астам адамы бар ұжыммен сенімді түрде жұмыс істеуде. Бұл кәсіпорын өзінің айналасындағы өндірісте электр машиналарын жөндеу бойынша цехты, электр монтаждық және энергомонтаждық учаскелер сияқты энергетикалық кешендерді біріктірді. «Maker» — «Энергоспецсервис» ЖШС филиалы мамандарының активіндегі энергетикалық және электротехникалық жұмыстар келесі кәсіпорындарда іске асырылды: мырыш зауыты, күкірт қышқылы цехын салу, Жезқазған байыту фабрикасы, «Kazakhmys Smelting» ЖШС Жезқазған мыс балқыту зауыты, Нұрқазған байыту фабрикасы және «Нұрқазған» кенішінің бірнеше объектілерін қайта жаңарту, «Шығыстүстімет» ӨБ Николаев байыту фабрикасын қайта жаңарту кезіндегі барлық энергетикалық және электротехникалық жұмыстары, сондай-ақ өнеркәсіптік канализация (ӨБ) құрылысында кезең-кезеңмен жұмыстар жүргізу кезінде және БМЗ МПЦ ЖВ агрегаттарын жөндеу жұмыстарына тікелей қатысу.
Александр Дмитриевич Русаличик «Қазақмыс корпорациясы» ЖШС Балқаш өндірістік алаңында ұзақ жылдар бойы энергетикалық саланың дамуы мен қалыптасуына арнады және қазіргі уақытта ол энергетика мәселелері бойынша Корпорацияның ең ірі білікті мамандарының бірі болып табылады. Адамгершілік, коммуникабельділік, терең білімділік, жоғары кәсіпқойлық, сауаттылық, ұқыптылық және негізділік — бұл қасиеттердің бәрі энергетика ақсақалы, тамаша басшы А. Русалимчикке тән әрине.
Александр Дмитриевич сондай-ақ жоғары азаматтық белсенділікпен ерекшеленеді, ол ұжыммен бірге қалалық мәдени-бұқаралық іс-шаралардың, қала активтерінің тұрақты қатысушысы, бірнеше жыл бойы барлық деңгейдегі сайлауларда учаскелік сайлау комиссиясының төрағасы болды.
Көп жылғы еңбегі және өндірістегі зор еңбегі үшін А. Русалимчик «Еңбек даңқы» салалық төсбелгісімен марапатталды, оған «Балқаштүстімет «ӨБ еңбек ардагері» атағы берілді, ал 2014 жылы ол «Қазақстан Республикасының Еңбек сіңірген энергетигі»атағына ие болды.
Балқаш қалалық мәслихатының 2018 жылғы 25 желтоқсандағы № 35/280 шешімімен «Балқаш қаласының Құрметті азаматы» атағы берілді.
Әдебиеттер тізімі:
1. Базылхан, А. Тәуелсіздік – тәу етер киеміз / А.Базылхан // Балқаш өңірі.- 2019. - 20 желтоқсан (№ 96). – 1- 2 б.
