Соболев Борис Иванович  1937 жылы 6 қараша күні Воронеж облысында дүниеге келген.

    Б.Соболевтың еңбек өтілі 55 жыл, оның ішінде 12,5 жылы «Қазақмыс» Корпорациясы ЖШС-де өткен. Б.Соболев – тәжірибелі өндіріс маманы, ол электроэнергетика саласында әр түрлі басшылық лауазымдарда қызмет етті. 1963 жылы Балқаш тау-кен металлургиялық комбинатына энергетик болып қабылданады. Өзінің өндірісте қызмет жасаған жылдарында, Б.Соболев БКМК-ның бас энергетигі, «Балқаштүстімет» ӨБ-нің энергетигі,энергетика Басқармасының директорының орынбасары - БМҚЗ-ның бас энергетигі, есеп және режим жөніндегі жетекші инженер қызметтерін атқарған.

   Металлургиялық өндірістегі адал еңбегі үшін Б.Соболев «Еңбек ардагері» атағын алып, Қазақ КСР-ның Жоғары Кеңесінің (1988 жыл 7 мамырдағы Жарлық), БКМК, БМҚЗ, «Балқаштүстімет» ӨБ, «Қазақмыс Корпорациясы» ЖШС Басқармасының Құрмет грамоталарымен марапатталған.

     Балқаш қалалық мәслихатының 2017 жыл 28 тамыздағы № 13/106 шешімімен Соболев Борис Ивановичке «Балқаш қаласының Құрметті азаматы» атағы берілді.

Әдебиеттер тізімі:

1.  Балқаш қаласының «Құрметті азаматы» атағын беру туралы //Балқаш  өңірі. – 2017. – 30 тамыз(№97-98). – 1 б.