"Балқаш қаласының орталықтандырылған кітапхана жүйесі"
коммуналдық мемлекеттік мекемесі

Коммунальное государственное учреждение
"Централизованная библиотечная система города Балхаш"

Біздің сайтқа қош келдіңіз. Өзіңізге керекті сұрақтардың жауабын табуда осы сайттағы мәліметтердің көмегі тиеді деп үміттенеміз.

Аңдатпа

Мұрағат

Опрос

Үйде жалғыз қалғанда, Сіз ...?

Кітапхана басылымдары


 
       «Он саусағынан өнер тамған шебер»: өлкетанулық биобиблиографиялық құрал /А.Гайдар атындағы орталық қалалық балалар кітапханасы: құраст.Ж.Сопина .- Балқаш, 2018.- 68б.- суретті.

   Елбасы Н.Ә.Назарбаевтың «Болашаққа бағдар: Рухани жаңғыру» мемлекеттік бағдарламасындағы туған елге, қалаға деген сүйіспеншілікті арттыруға бағытталған «Туған жер» жобасын насихаттау мен жүзеге асыру мақсатында  А. Гайдар атындағы орталық қалалық балалар кітапханасы «Он саусағынан өнер тамған шебер» атты өлкетанулық биобиблиографиялық құралды ұсынады.

       Құрал суретші-гобеленші, ағаш шебері, ҚР Суретшілер одағының мүшесі, «Балқаш қаласының Құрметті азаматы»  Әбеуов Өміркелді Мұхтарұлының туғанына 70 жыл толуына арналған.

          Суретшінің  «Қоңырат туралы ән», «Таң», «Жаңа дәуір», «Бейбітшілік келешек үшін», «Ертең жұма», «Дала туралы баллада», «Металлургтер», «Молшылық», «Уақыт – өмір айнасы», «Ұядан ұшқанда» және т.б. туындылары туған жеріне деген ыстық сезімге толы.

          Суретші-безендіруші ретінде Өміргелді Балқаш қаласында өз қолтаңбасын қалдырып, үзбей еңбек етіп келеді. Қала тұрғындары мұражайда өткізіліп отыратын шебердің жеке көрмелерінен  өнер жолы  және туындыларымен танысады.

          Өміркелді Мұхтарұлының ақындық өнері де бар. «Қуанамын», «Үлкендердің арманы», «Тілегім бар» атты  өмірден алынған сырлы да ойлы жыр-өлеңдерімен  таныса аласыздар.

    Тумысынан мінезі жұмсақ, қарапайым, еңбекқор Өміркелді Мұхтарұлының шығармашылығынан суретшінің отаншыл, өресі биік, арқалы талант,  парасат иесі екенін танисыз.

          Басылым барлық оқырмандар қауымына арналады.




 «Шайтан арбаны» ерттеп мінген...
 

     «Шайтан арбаны» ерттеп мінген...: өлкетанулық биобиблиографиялық құрал /№4 кітапхана-филиалы: құраст.Р.Искакова, Ж.Сопина .- Балқаш, 2017.- 49б.- суретті.

     №4 кітапхана–филиалы қала тұрғыны, Еңбек ардагері, Қазақ ССР халық ағарту ісінің озық қызметкері, КСРО ағарту ісінің үздігі, жоғарғы санатты ұстаз, Қазақстан мотоспортының әйелдер арасындағы алғашқы қарлығашы Нағима Солтаханқызы Дәкімоваға арналған «Шайтан арбаны» ерттеп мінген...» атты өлкетанулық биобиблиографиялық құралды дайындап, оқырмандар назарына ұсынып отырмыз. Тәжірибелі ұстаздың әр жылдағы бұқаралық ақпарат беттеріндегі екі тілде жазылған мақалаларымен, өмір жолы және спорт саласындағы қызықты мол мағлұматтармен таныса аласыздар. Құрал жалпы оқырман қауымға арналған.

    Кітапша Балқаш қаласының 80 жылдық аясында дайындалды. Негізгі мақсат Балқаш өңірінің дамуына үлкен үлес қосқан адамдар туралы маңызды және құнды ақпараттар беру.




 Ел ардақтысы

     Балқаш қаласының құрметті азаматы, ақын Әлихан Жәнгірұлы Жәңгіровтың туғанына 95 жыл толуына арналған: өлкетанулық библиографиялық құрал / С. Сейфуллин атындағы Орталық қалалық кітапхана, Ақпараттық-библиографиялық бөлімі: құраст. А.Б. Мұстафина. – Балқаш, 2017. – 25 б




 Қазақстанда 2018 жылы еске алып, атап өтілетін күндер күнтізбесі: / құраст. Ж.Қ.Сопина.- Балқаш, 2017.- 21 б.

  С.Сейфуллин атындағы Орталық қалалық кітапхана жыл сайын Қазақстанның, жақын және алыс шет елдердің, өлкеміздің атаулы, тарихи және айтулы күндеріне арналған күнтізбесін шығарады.

     Күнтізбе мәдениет және білім беру қызметкерлеріне, басқа да мүдделі тұлғаларға бұқаралық іс-шаралар дайындауға және ұйымдастыруға арналған.
 




Дәрігерлер әулетінің бәйтерегі: өлкетанулық биобиблиографиялық құрал / С.Сейфуллин атындағы Орталық қалалық кітапхана, Ақпараттық-библиографиялық бөлімі: құраст. Ж.Қ.Сопина.- Балқаш, 2017.- 19 б.- суретті.

      С.Сейфуллин атындағы Орталық қалалық кітапханасының Ақпараттық-библиографиялық бөлімі, Кеңес Одағының «Денсаулық сақтау саласының үздігі» төсбелгісі, ҚР «Ұлт денсаулығын сақтау ісіне қосқан үлесі үшін» төсбелгісінің иегері, «Қазақстанның үздік адамдары» энциклопедиясына енген, «Балқаш қаласының Құрметті азаматы», қаламыздың төл құрдасы Қаукен Қасымұлының туғанына 80 жыл толуына арналған «Дәрігерлер әулетінің бәйтерегі» атты өлкетанулық биобиблиографиялық құралды дайындап, оқырмандар назарына ұсынып отырмыз.

   Тәжірибелі дәрігердің өмірі мен қызметі жолындағы қызықты мол мағлұматтармен таныса аласыздар. Кітапша жалпы  оқырман қауымға арналған.

     Құрал Балқаш қаласының 80 жылдық аясында дайындалды. Негізгі мақсат Балқаш өңірінің дамуына үлкен үлес қосқан адамдар туралы маңызды және құнды ақпараттар беру.



беттер: 456789101112
Рейтинг@Mail.ru

Яндекс.Метрика