"Балқаш қаласының орталықтандырылған кітапхана жүйесі"
коммуналдық мемлекеттік мекемесі

Коммунальное государственное учреждение
"Централизованная библиотечная система города Балхаш"

Біздің сайтқа қош келдіңіз. Өзіңізге керекті сұрақтардың жауабын табуда осы сайттағы мәліметтердің көмегі тиеді деп үміттенеміз.

Опрос

Интернетте қанша уақыт өткізесіз?

Кітапхана басылымдары


«Ұстаз. Ғалым. Қайраткер»:



«Ұстаз. Ғалым. Қайраткер»: әдістемелік құрал /C.Сейфуллин атындағы орталық кітапхана. Кітапханаларды дамыту және әдістемелік жұмыс секторы; құраст. Ж.Сопина.- Балқаш, 2018.- 43б.- суретті.
Кемеңгер қоғам қайраткері, ұлт ұстазы Ахмет Байтұрсынұлының өмірі мен қоғамдық-саяси қызметін, рухани мұрасын кең көлемде дәріптеу мақсатында кітапханаларды дамыту және әдістемелік жұмыс секторы кітапханада ақынға арналып өткен іс-шаралар сценарийлер жинағын ұсынып отыр.
Басылым көпшілік қауымға мектеп ұстаздарына, кітапханашыларға арналған.

 

 




 «Шайтан арбаны» ерттеп мінген...:

«Шайтан арбаны» ерттеп мінген...:өлкетанулық биобиблиографиялық құрал С.Сейфуллин атындағы орталық қалалық кітапхана. Кітапханаларды дамыту және әдістемелік жұмыс секторы: құраст.Ж.Сопина .- Балқаш, 2018.- 77б.- суретті.
Кітапханаларды дамыту және әдістемелік жұмыс секторы қаламыздың байырғы тұрғыны, Еңбек ардагері, Қазақстан Республикасының халық ағарту ісінің озат қызметкері, Кеңес Одағының Халық ағарту ісінің озат қызметкері, жоғарғы санатты ұстаз, Қазақстан әйелдер арасындағы мотоспортының алғашқы қарлығашы Нағима Солтаханқызы Дәкімоваға арналған «Шайтан арбаны» ерттеп мінген... атты өлкетанулық биобиблиографиялық құрал 2017 жылы қаламыздың 80 жылдық қарсаңында жарыққа шыққан болатын. Енді биыл 2018 жылы кітапшаға қызықты материалдармен толықтырылып оқырмандар назарына ұсынып отырмыз.
Тәжірибелі ұстаздың әр жылдағы бұқаралық ақпарат бетіндегі екі тілде жазылған мақалалары мен өмірі және спорт саласындағы қызметі жолындағы қызықты мол мағлұматтармен таныса аласыздар.

 




Қазақстан Республикасының 2019 жылы аталып өтілетін және еске алатын күндер күнтізбесі / С.Сейфуллин атындағы орталық қалалық кітапханасы; құраст. Ж.Қ. Сопина. – Балқаш, - 2018. – 25 б.

С. Сейфуллин атындағы Орталық қалалық кітапхананың, кітапханаларды дамыту және әдістемелік жұмыс секторы жыл сайын Қазақстанның, жақын және алыс шет елдердің, өлкеміздің атаулы, тарихи және айтулы күндеріне арналған күнтізбесін шығарады.
Күнтізбе мәдениет және білім беру қызметкерлеріне, басқа да мүдделі тұлғаларға бұқаралық іс-шаралар дайындауға және ұйымдастыруға арналған.




Ұстаз, тәлімгер, ғалым. Педагог, наставник, ученый
 

Ұстаз, тәлімгер, ғалым. Педагог, наставник, ученый: өлкетанулық биобиблиографиялық құрал / №2 кітапхана-филиалы: құраст.М. Абилкасова, Ж.Сопина .- Балқаш, 2018.- 67б.- суретті.
Туған өлкеміздің танымал есімдерін дәріптеп, олар туралы жан-жақты білуге арналған бұл басылым Елбасымыз Н.Ә.Назарбаевтың «Болашаққа бағдар: Рухани жаңғыру» мақаласын және туған жерге, қалаға деген сүйіспеншілік, патриотизмді қалыптастыруға бағытталған «Туған жер» жобасын насихаттау және оны жүзеге асыру. Осы мақсатта экология бағытында жұмыс істейтін №2 кітапхана-филиалы Қазақ Халық «Экология» Академиясының академигі Сванқұлов Күмісбек Төлепбекұлының туғанына 70 жыл толуына арналған «Ұстаз, Тәлімгер, Ғалым. Педагог, Наставник, Ученый» атты өлкетанулық биобиблиографиялық құралды ұсынып отыр.
Күмісбек Төлепбекұлы Балқаштың қасиетті топырағынан жаралған қазақтың дарынды ғалым ұлдарынын бipi, парасатты, ақжарқын азамат, Қазақстан Республикасының Халық Академиясының академигі, техника ғылымдарының кандидаты, доцент, Балқаш қаласында «Kiшi Академия» ашу жөнінде алғаш бастама көтерген қадірменді ұстаз. Кітапшада әр жылдағы бұқаралық ақпарат құрал беттерінде шыққан естелік мақалалары қазақ, орыс тілінде берілген. Басылым барлық оқырман қауымға арналады.
Құралдың оқырмандарға берер мақсаты: Балқаш өңірінің дамуына үлкен үлес қосқан адамдар туралы маңызды және құнды ақпараттар беру.

 




 
«Он саусағынан өнер тамған шебер»: өлкетанулық биобиблиографиялық құрал /А.Гайдар атындағы орталық қалалық балалар кітапханасы: құраст.Ж.Сопина .- Балқаш, 2018.- 68б.- суретті.
Елбасы Н.Ә.Назарбаевтың «Болашаққа бағдар: Рухани жаңғыру» мемлекеттік бағдарламасындағы туған елге, қалаға деген сүйіспеншілікті арттыруға бағытталған «Туған жер» жобасын насихаттау мен жүзеге асыру мақсатында  А. Гайдар атындағы орталық қалалық балалар кітапханасы «Он саусағынан өнер тамған шебер» атты өлкетанулық биобиблиографиялық құралды ұсынады.
Құрал суретші-гобеленші, ағаш шебері, ҚР Суретшілер одағының мүшесі, «Балқаш қаласының Құрметті азаматы»  Әбеуов Өміркелді Мұхтарұлының туғанына 70 жыл толуына арналған.
Суретшінің  «Қоңырат туралы ән», «Таң», «Жаңа дәуір», «Бейбітшілік келешек үшін», «Ертең жұма», «Дала туралы баллада», «Металлургтер», «Молшылық», «Уақыт – өмір айнасы», «Ұядан ұшқанда» және т.б. туындылары туған жеріне деген ыстық сезімге толы.
Суретші-безендіруші ретінде Өміргелді Балқаш қаласында өз қолтаңбасын қалдырып, үзбей еңбек етіп келеді. Қала тұрғындары мұражайда өткізіліп отыратын шебердің жеке көрмелерінен  өнер жолы  және туындыларымен танысады.
Өміркелді Мұхтарұлының ақындық өнері де бар. «Қуанамын», «Үлкендердің арманы», «Тілегім бар» атты  өмірден алынған сырлы да ойлы жыр-өлеңдерімен  таныса аласыздар.
Тумысынан мінезі жұмсақ, қарапайым, еңбекқор Өміркелді Мұхтарұлының шығармашылығынан суретшінің отаншыл, өресі биік, арқалы талант,  парасат иесі екенін танисыз.
Басылым барлық оқырмандар қауымына арналады.



беттер: 252627282930313233
Рейтинг@Mail.ru

Яндекс.Метрика